Haiti: Jami’in agajin Kenya ya bace a Haiti

Wani jami’in kungiyar agaji ta kasa da kasa ta Kenya MSS a Haiti ya bace a ranar Talata bayan arangama da wasu ‘yan ta’adda.

‘Yan ta’addan dai, sun kai wa dakarun na MSS hari ne a lokacin da suke kokarin ciro wata motar ‘yan sandan kasar Haiti da ta makale a cikin wani rami, wanda ake zargin wasu gungun ne suka tona.

Lamarin ya faru ne yayin da suke sintirin gano wani jami’in daban da ya bace , in ji wata sanarwa da rundunar ‘yan sandan Kenya ta fitar.

Kafofin yada labarai na cikin gida a Haiti sun ruwaito cewa an kashe wani dan kasar Kenya na kungiyar MSS, kuma faifan bidiyo da aka yada a shafukan sada zumunta sun nuna gawar wani soja kwance a kasa sanye da rigar duk jini.