Amurka ta tabbatar a hukumance da tura wasu tsirarun jami’an soji zuwa Najeriya a wani bangare na inganta hadin gwiwar tsaro da hukumomin Najeriya, musamman a kokarin yaki da ta’addanci.
A cewar cibiyar rundunar sojin Amurka ta Afirka, sojojin da aka tura za su ba da tallafi na musamman kamar musayar bayanan sirri da daidaita ayyuka, amma aikin bai kunshi zuwa filin daga kai tsaye ba.
Sanarwar ce amincewa ta farko a hukumance ga sojojin Amurka a Najeriya tun bayan harin da jiragen yakin Amurka suka kai kan masu tsattsauran ra’ayi a karshen shekarar 2025. Sai dai a sanarwar ba a bayyana takamaiman adadin sojojin na Amurka ba da kuma wuraren da za a jibge su.
