Duniya

Amurka ta kai hari kan cibiyoyin nukiliya uku a Iran

Shugaban kasar Amurka Donald Trump a ranar Asabar 21 ga watan Yuni ya bayyana cewa, an samu nasarar kai hari kan wasu cibiyoyin nukiliya guda uku a kasar Iran, ciki har da na Fordow.

A cikin wani rubutu da ya yi a kan True Social, Trump ya cewa, “Dukkanin jirage suna kan hanyarsu ta komawa gida lafiya” kuma ya taya “manyan Jaruman Amurkawa murna.”

Trump ya kare sakonsa yana mai cewa, “Yanzu ne lokacin zaman lafiya.”

Matakin ya zo ne a daidai lokacin da Isra’ila da Iran suka kwashe sama da mako guda suna gwabza yaki ta sama wanda ya yi sanadin mutuwa da jikkatan mutane a kasashen biyu. Isra’ila ta kai hare-hare kan Iran tana mai cewa tana son kawar da duk wata dama da Iran ke da shi na kera makaman nukiliya.

Iran ta yi ikirarin cewa shirinta na nukiliya na da nufin zaman lafiya, kuma ministan harkokin wajen Iran ya tabbatar wa takwarorinsa na kasashen yamma cewa basu isa su dakatar da shirin Iran na binciken nukiliya. Hakan yasa kokarin diflomasiyya da kasashen Yamma suka yi na dakatar da fadan bai yi nasara ba har zuwa yanzu.

Jarida Radio

Barka da zuwa shafin Jarida Radio - Kafa Mai Inganci, domin samun labarai da dumi-dumi da zurfafa nazari da shirye-shiryen rediyo masu kayatarwa. Jarida Radio ba kawai dandalin labarai ba ne - murya ce ga al'umma.

Related Articles

Leave a Reply

Your email address will not be published. Required fields are marked *

Back to top button