Kamfanin jigilar kayayyaki na Cosco ka iya yin asarar farko a rikicin kasuwancin China da Amurka

Manyan kamfanonin jigilar kayayyaki na duniya sun ninka abin da suke samu a shekarar 2024 amma kudurin da Amurka ta gabatar na karin haraji kan jiragen ruwa da ke da alaka da kasar China zai rage a bukaci ayyukan kamfanonin.

China Cosco Shipping wani bangare na gwamnati da ke gudanar da manyan jiragen ruwa a duniya, ta ba da rahoto a ranar 21 ga Maris cewa ribar da masu hannun jari suka samu a shekarar da ta kare ta karu da kaso 106%, wato dala biliyan 6.9.

Kamfanin ya danganta wannan kari da buƙatun al’umma da ya karu musamman a Amurka, da kuma rikicin Tekun Bahar Maliya, wanda ya tilasta wa dillalai ɗaukar hanyoyin masu tsayi da tsada.

Gwamnatin Shugaban Amurka Donald Trump na tsara wani umarni na karbar kudade har dalar Amurka miliyan 1.5 ga duk wani jirgin ruwa da ke shiga cikin tashar jiragen ruwa na kasar China, kuma za ta ziga kawayenta su ma su bi sahu.