Daga Fadeelah Umar Abdulmalik
Shugaban kasar Iran Masoud Pezeshkian ya bayyana a yau Litinin cewa, Iran ba ta da niyyar kera makaman nukiliya, amma za ta bi hakkinta na mallakar makamashin nukiliya da kuma bincike a bangaren fasahar nukiliya.
Wannan batu ya saba wa zargin da kasashen yamma da Isra’ila ke yi wa kasar Iran wacce ta shafe sama da shekaru tana fuskantar takunkumai daga Amurka da kasashen yamma, musamman kasashen da ke cikin kungiyar NATO.
Shugaba Masoud Pezeshkian yana mai jaddada matsayar shugaban addini da Jagoran Musulunci Ayatullah Sayyid Ali Khamenei.
