Mayakan Boko Haram da ISWAP sun kashe mutum 16 a sansanin sojojin Nijeriya

Wasu da ake zargin mayakan ISWAP ne suka kaddamar da wani hari na hadin gwiwa kan wani sansanin sojoji da kuma shingen sojoji a jihar Borno da ke Arewa Maso Gabashin Nijeriya, inda suka kashe akalla mutum 16, kamar yadda majiyoyin tsaro suka shaida wa kamfanin dillancin labarai na Reuters.

Majiyoyin sun ce a harin na baya-bayan nan, mayakan Boko Haram da na ISWAP sun kai hari a wani sansanin soji da ke yankin Wajiroko a jihar Borno da misalin karfe 9 agogon GMT a ranar Litinin din da ta gabata, inda suka kona sansanin da kayan aikin sojoji.

Daya daga cikin sojojin da ke sansanin ta Wajiroko ya ce an kashe akalla sojoji hudu tare da jikkata wasu da dama ciki har da kwamandan birgediyar.

Mayakan dauke da makamai dauke da kananan ababen hawa sun kai hari a wani kauye mai tazarar kilomita 12 daga garin Fotokol da ke kan iyaka da kasar Kamaru, tare da jikkata wasu da dama.

Wata majiyar soji da ta nemi a sakaya sunanta ta shaida wa kamfanin dillancin labaran reuters cewa harin da aka kaiwa sojojin da ke yaki da masu tada kayar baya a wani bangare na rundunar hadin gwiwa ta kasa da kasa ya faru ne daga tsakar dare zuwa karfe 3 na safiyar ranar Talata.

Majiyar ta kara da cewa mayakan sun fara kai harin ne ta hanyar amfani da jirage mara matuka kafin su kai hari ta kasa. “Sun yi awon gaba da wani muhimman tarin makamai,” in ji majiyar.

Duk da cewa hare-haren soji da rikicin cikin gida sun tsakani mayakan ya dau tsawon shekaru, Boko Haram da ISWAP sun zafafa kai hare-hare kan wuraren sojoji da fararen hula a Borno a bana.